Helfer gesucht
Bei verschiedenen Anlässen in der Pfarrei dürfen wir auf die Unterstützung von freiwilligen Helferinnen und Helfern zählen. All diesen treuen Unterstützern danken wir ganz herzlich für ihre Zeit, ihre Mitarbeit und ihre Kollegialität.
Damit wir auch zukünftig diese Anlässe durchführen können, suchen wir Personen, welche das Apéroteam verstärken oder gerne bei den Gottesdiensten als Lektor:in dabei sind.
Ebenfalls besteht die Möglichkeit, als Pfarreiratsmitglied aktiv in der Pfarrei mitzuwirken.
Unsere 80+ Besuchergruppe freut sich über neue Kolleginnen und Kollegen, die unsere Senioren anlässlich ihres Geburtstages besuchen.
Auch freuen wir uns über Kinder und Jugendliche, die gerne unser Ministrantenteam ergänzen.
Bei Fragen gibt Ihnen Frau Margrit Küng, Gemeindeleiterin, sehr gerne Auskunft (Tel. 041 754 57 70 oder 079 789 01 06, margrit.kueng@pfarrei-unteraegeri.ch).
Wir hoffen, dass Sie sich angesprochen fühlen und freuen uns über Ihr Interesse und Ihre Kontaktnahme.
Margrit Küng, Gemeindeleiterin
Herbstzeit – Ferienzeit
Herbstgedanken
Die schönen Tage sind dahin,
noch zittert Wärme im Geäst.
Ich danke Gott, dass ich noch bin
und weiss, dass er mich nie verlässt.
Ein warmer Sommer sagt Adé,
bald deckt die Erde bunte Blätter.
In mir ist grosses Herbstesweh
und düst’re Wolken künden böses Wetter.
Ich will mich vor dem Winter noch
in Deine Hände legen.
Du holst mich aus der Tiefe doch,
beschenkst mich mit Deinem Segen.
©Johannes Kandel, www.christliche-gedichte.de
Gedenktag Hl. Niklaus von Flüe
Wir feiern um 19.30 Uhr in der Marienkirche eine Andacht und es läutet um 20 Uhr unsere „Friedensglocke“, welche im Glockenstuhl der Marienkirche hängt.
Die Glocke ist mit einem Zitat von Niklaus von Flüe versehen:
Fried ist allweg in Gott, denn Gott ist der Fried.
aegeri cantat singt zum Erntedank
…Der gemischte Chor aegeri cantat singt unter der Leitung von Stephany Rickenbach, begleitet von Urs Bösiger am Hackbrett, Gurgen Kakoyan und Davit Gyulamiryan an den Klarinetten, Thomas Huwyler an der Orgel und Werner Broger am Kontrabass.
Für dieses Projekt haben wir uns mit Gastsängerinnen und Gastsängern verstärkt und freuen uns auf dieses herausragende Klang- und Gesangserlebnis. Wir laden Sie dazu ein, daran teilzunehmen.
Claudia Häusler
Erntedank
Der Gottesdienst wird von aegeri cantat mitgestaltet. Nach dem Gottesdienst steht für alle ein Apéro bereit; vielen Dank an die Apérogruppe.
Margrit Küng, Gemeindeleiterin
Kirche Kunterbunt
Kirche Kunterbunt ist einladend für Erwachsene und Kinder zugleich. Sie bietet Raum für Begegnungen, für kreative Betätigung zu einem bestimmten Thema, zum Feiern und gemeinsamen Essen.
Eine Anmeldung ist nicht nötig, wir freuen uns auf viele interessierte Familien, Erwachsene und Kinder.
Ökumenische Bettagsandacht
17 Uhr, Einstieg und Abfahrt, Oberägeri
17.15 Uhr, Einstieg und Abfahrt, Unterägeri
Ökumenische Bettagsandacht auf dem See
17.45 Uhr, Ankunft und Ausstieg, Oberägeri
18 Uhr, Ankunft und Ausstieg, Unterägeri
Unsere gemeinsame Feier auf dem Ägerisee wird musikalisch von Evi Huonder und Veronika Hvalic begleitet.
Herzliche willkommen. Wir freuen uns auf Sie!
Bettina Mittelbach, Pfarrerin / Margrit Küng, Gemeindeleiterin /
Urs Stierli, Diakon und Gemeindeleiter
Eidg. Dank-, Buss- und Bettag
Für den Bittgang treffen wir uns bei der Pfarrkirche um 9.45 Uhr. Das Läuten der grossen Glocke der Pfarrkirche um 8 Uhr kündet die Durchführung des Gottesdienstes bei der Allmendkapelle an.
Musikalisch wird der Gottesdienst durch den Jodlerklub vom Ägerital mitgestaltet.
Zum anschliessenden Apéro (nur bei schönem Wetter) sind alle herzlich eingeladen.
Margrit Küng, Gemeindeleiterin
Rückblick Minilager 2024
…Wie jedes Jahr haben sich unsere Ministranten auch diesen Sommer eine Woche im Lager versammelt. Die Reise ging nach Hollywood (in Signau BE). Der Sonntagmorgen wurde gleich mit einer Yogarunde begrüsst. In den ersten Tagen durchliefen die jüngeren Minis anschliessend eine Art Trainingscamp zum Schauspieler. Zwischen den Interviews, Sprechtrainings und Stylingtipps wurden Spiele gespielt und das Wissen über die wahren Hollywood Profis wurde aufgefrischt. Neben einer Entdeckungstour in Form eines Foxtrails und der Suche nach dem Mr. X, durfte auch ein Sonnenaufgang-Shooting auf den Hollywood-Hills nicht fehlen. Als das Trainingscamp dann zu Ende war, mussten unsere frisch gebackenen Schauspieler eine bekannte Filmszene umschreiben und abdrehen. Mit dem damit verdienten Geld konnten sie sich anschliessend im Casino austoben. Die Woche wurde mit einer Oscar-Verleihungs-Gala abgeschlossen. Es wurde viel gemeinsam gelacht und es konnten sich alle nochmals besser kennenlernen.
Falls Sie einen detaillierteren Bericht über die Woche lesen wollen, finden Sie mehr dazu auf Instagram unter: minis_unteraegeri
Für’s Leiterteam: Jessica Osterwalder
Das Lager ist vorbei, es ist aufgeräumt und alle haben wieder nachgeschlafen. Zurück bleiben viele tolle Erinnerungen und ganz viel Dankbarkeit. Für all die Jugendlichen und jungen Erwachsenen, die sich engagieren und mit viel Herzblut das Lager organsiert und durchgeführt haben. Für die Minis, die so toll dabei sind und dem Ganzen erst Sinn geben. Für die Eltern, die uns Jahr für Jahr die Kinder anvertrauen. Für Maria und Charlotte, die mit mir die Kochlöffel geschwungen haben. Für die Pfarrei und den Kirchenrat, der uns so grosszügig unterstützt. Wir durften ein hollywood-würdiges Lager geniessen!
Doris Baumann, Präses
Minilager 2024 – Lagerdraht
Samstag, 3. August
Am Samstig Mittag simmer als ersts zäme nach Hollywood is Emmital greist. Uf em Wäg dett ane, hend alli ihren Hollywood-Pass übercho. Nach es bitzeli Freiziit und em Bezug vo üsem Luxuscamp hemmer de Ping-Pong Tisch iihgweiht, üses erste feine Znacht dörfe gnüsse und es Kennelern-Spieli gspielt. De Abig hemmer denn mit Lieder am Lagerfüür usklinge lah.
Sonntag, 4. August
Am Sunntigmorge sind üsi junge Stars gweckt worde, mit em Uftrag Sportkleider z’montiere. Zäme hemmer denn de Tag mit enere morgentliche Yogarundi gstartet. Vor em Zmittag hend denn üsi Trainings zu echte Schauspieler agfange. Mir hend glernt, wie mer Outfits zämestellt, wie mer sich uf Interviews vorbereitet und sich selber mit Hilf vo Bilder beschriebt. Zudem hemmer es Sprachtraining gha und ersti Erfahrige als Schauspieler gmacht, i dem mir es Pantomime-Spieli gspielt hend. Jetzt hemmer üs es feins Zmittag verdient! Nach emene super Zmittag vo de beste Kuchi vo de Welt, hemmer üsi Pöste no beendet und sind denn zu emene Mensche-Memorie überegange. Nachher isch s nomal chli ernster worde, denn mir hend es Quiz gmacht, wo mir üses Hollywood-Wüsse zum Beste geh hend. Zum Znacht hets Pizza geh, die isch so guet gsie, dass mir keis einzigs Stückli übrig lah hend. S Abigprogramm isch denn chli gmüetlicher worde, nämlich hemmer en Spieliabig gmacht, wo nomal learnings vom Tag ih de Praxis güebt worde sind.
Montag, 5. August
Plötzlich zmitzt ih de Nacht am 3:15 simmer vo de Leiter gweckt worde, denn nach em Motto «Wer schön sein will, muss leiden», hemmer üs uf d Sunneufgangswanderig gmacht für es Shooting uf de Hollywood-Hills. Leider isch s Ziel aber verduscht worde und nach emene feine Zmorge, hemmer üs wieder uf de Heiweg müsse mache. Dett hemmer denn mit Erschrecke festgstellt, dass mir eigentlich scho die ganz Wuche bi de Hollywood-Hills wohned. Sobald mir heicho sind, hemmer ahgfange üsen Schönheitsschlaf nahzhole, bevors denn Älplermagaronen zum Zmittag geh het!
De Mäntig Namittag isch denne recht entspannt verlaufe. Mir hend Schauspiel-Gruppene bildet und üs für en Filmszene entschiede, wo mir denne iüebe und spiele werdet. Damit das Ganze chli kreativer wird, hemmer die Szene umgschriebe, wiiterentwicklet und no zu denne Änderige es Drehbuech gschriebe. Nach emene feine Zvieri sind no chli Volleyball, Kub, PingPong und anderi Spieli gspielt worde, bevor mir denn am Lagerfüür grilliert hend. S Abigprogramm isch denn sehr frei gstaltet worde, will mir nach dem ahstrengende Tag scho recht müed gsi sind.
Dienstag, 6. August
Nach emene erholsame Schlaf i üsne king-sized Bett hemmer üs um die 9i denn uf de Wääg nach Langnau i E. gmacht. Wo mer üs uf en Entdeckigstour in Form vomene Foxtrail begäh händ, um üsi 5 Sinn z stärche und üsi glernte Fähigkeite unter Bewiis z stelle. Wie au i de vergangnige Tääg hed üs s Chuchiteam es feins Lunch-Zmittag vorbereitet!
Nachdem mir vom Foxtrail heicho sind, hemmer en Wasserschlacht verahstaltet, zum üs abküehle. Debii isch keine troche bliebe 🙂
Am Abig simmer mit emene feine Knöpfliuflauf bekocht worde und ahschlüsend hemmer es Glacé gnosse, während dem mir de Geburi vom Sven gfiiered hend. Das Dessert isch vo de Margrit gsponsoret worde – Dankee!! Wiiter isch es denn mit enere Aftershowparty gange, wo sich alli hend könne ustobe und mir üsi Dancemoves zum Beste geh hend.
Mittwoch, 7. August
Nach dene zwei stränge Täg hemmer üs denn am Mittwuch ganz en gmüeltiche Morge gönnt. Mir hend könne usschlafe und d Kuchi het en Brunch vorbereitet, wo mir wie ih emene 5-Stern-Hotel hend dörfe gnüsse.
Nach em Mittag isch s Mr.X losgange. Nebe Ufgabe wie Spieli spiele, singe und Lüüt z interviewe, hemmer au Sache müsse mache, wie ganz neui Nahrigsmittel z probiere oder es Tuschgschäft abzwickle. Mit üsne Trader hets zum Teil sogar gheimi Deals geh, wo mir abgschlosse hend. Gege Schluss hend sich zwei Gruppe es spektakulärs Kopf ah Kopf Renne glieferet. Nach emene guete Znacht hend sich alli Newcomer wo scho ih de Oberstufe gsie sind, am Abig mit de Leiter dörfe in Usgang begeh. Sie hend de Abig bi es paar Spiele, viel Lache und guete Gspröch am Tisch usklinge lah, während dem die Jüngere zäme en Film gluegt hend.
Donnerstag, 8. August
Am nächste Morge hemmer erfahre, dass mir üsen eigene Film bis am Mittag münd abdreiht ha. Mir hend also gwüsst, mir hend kei Ziit zum umetrödele und es wird chli stressig werde. Nach de Maske, vielne Takes, Stunts und Geduld hemmers aber alli gschafft. Jetzt simmer wahri Schauspieler! Mal luege für wers bis nach Hollywood langed 😉
Nach em erfolgriiche Abschlüsse vo üssne erschte Videodrehs hed üs s’Leiterteam uf Las Vegas iglade, wo mir während emene Casinonami üses verdiente Geld hend chönne vermehre….. oder au absolut nöd 😉 . Wenn alles Gäld wäg gsi isch, hed mer chönne dur löse vo Ufgabe wider an Spielchips cho. Am Poker, Roulett oder sogar Baccarattisch isch’s denn im
Casino so tifig zue und här gange, dass am 6i alli froh gsi sind, wo en feine Burger uf üs gwarted hed. Gsterkt hemmer denn am Abig imene Chii gege Gross chönne d’Leiter usefordere idem mir Chartehüsli baut oder möglichscht vill Redli gschlage hend. Au es Ross und Musigquiz hed da nöd döffe fähle. Wie nöd andersch erwartet hend natürlich mir Chind gwunne.
Freitag, 9. August
Am Friitigmorge isch’s denn mit em Bastelprogramm wiitergange. Öb Itritscharte bastle, Bilderrähme verziere oder Händabdrück für de Walk of Fame z mache. Mer hend sicher gnueg z’due gha. Vor em Mittag hemmer au no chönne üse neue Starname ussueche und hend en Rundi Werwölfle gspillt.
Nach em Wellnessnamitag isch denn s’Galadinner / d’Oskarverleiig und d’Disco aggseid. Bevor es denn am Samschtigmorge scho wider uf de Wäg nach Ägeri gaht.
Ganz liebe Grüessli us Hollywood
Jessica und Joschi