10.08.2026, 08.25

Lagerdraht

Tag 1
Hüt simmer mit üsere Poschtkutsche i Wilde Weschte gflitzt, yeeehaaa! Da mier das Jahr ned all usem gliche Egge chömid, hemmer mit eme Kennelernspieli ahgfange. Aschlüssend hemmer üsi Hüttene bezoge und zur Stärchig feini Spaghetti gässe🍝. Am Abig isch no fliessig gsunge worde.

Tag 2
Früeh am Morge simmer vo üsne Leiter gweckt worde🥱. Nach emne gstärkte Zmorge und mit voller Motivation simmer los marschiert und mit em 🚂Richtig Zweisimme düsed. Den ischs höch id Bäum gange und zwar im Seilpark. Die einte chlii höcher, die andere eher nöch am Bode.
Am Namittag hemmer üsi Cowboyusrüschtig ufgstockt und verziert.
Nach eme feine Znacht ischs den ines spannends „chlini Cowboys“ VS die „alten Hasen“ gange. Sehr iedrücklichi Duell sind usegfordered worde und zum Schluss hend mier Chind gwunne🥳🥇.

Tag 3
Am Morge nach em Zmorge simmer iglade worde uf de Westernmärcht. Det hemmer verschiedeni Spieli wie Nagle, Büchseschüsse, Sackhüpfe und so wiiters absolviert.
Am Namittag simmer uf Lenk es Mister X go spiele. Mier händ ganz villi luschtigii Ufgabe müesse löse, damit mier a Gäld und Droge hend chöne cho. Mit dene Droge hemmer üs chöne Informatione chaufe und so de Mister X gfinde.
Zum Znacht heds feine Burger gä.
Am Abig ischs denn für die Grosse in Usgang gange und die Chlinere hend chönne en Film luege.

Tag 4
Am Samschtigmorge ischs denn as Iegmachte gange. Üses Dorf im Wilde Weste muess grettet werde!
Zum Glück hemmer geschter vom Mister X d’Info becho, dass ganz i de Nöchi vo üsem Lagerhuus Gold 🏆entdeckt worde isch. Also hemmer üs  uf d Suechi gmacht. 👀 Nach enere intensive Suechi rund um St. Stephan hemmer schlussendlich das Gold würkli gfunde! Mer hend s Dorf grettet! 😎
Als Belonig hed üs d Chuchi mit emene feine Zmittag gstärkt. Wohlverdient hemmer üs denn is Wellness begäh.💆🏼‍♀️🧘‍♀️💇
Nach Yoga, Massage, Schminke, Haarstyling, hed d Chuchi würkli nomal alles geh und üs mitemene Western Znacht verwöhnt. 🥩
De Abig hemmer denn mit de Party im Saloon no schön la usklingr lah. 🥳🎉